 |
|
 |
||||||
|
القصيدة الجامعة – جراح الدموع خطاب الرضيع ( ع ) للرسول الأعظم ( صلى الله عليه وآله وسلّم ) من يرحم مواجعنا أنـــا جيتـــك يا طـه بحسرتي شكّاي * نــــودّع قـبرك ونســري * وأرض الطّـــف آخـــر مـــن يودّعـــنا ياطه دمعتي بعـــــيني سبب رجواي * سمحـت لدمعتي تجـــري * عـــلى احسين وعلى فجعة مصارعـنا عطش ما يرحم وهذا الدّليل احشـاي * سقوني سهم في نحـري * نـذوق الذل والحرمان ومن يرحم مواجعنا ولامــن يـــدري بحـالي وعذاب اظماي * ذبحــــني بقسوتــــــه دهري * رحلنا للطريق اللي بعد ما ظـنّ يرجّعــــنا يا طه جيتـــــك وشايـــل معـي بلـــواي * أبي صدرك عـــلى صدري * تراك إنت الوحيد اللي بكلّ النـاس يسمعنا ويجيب الرسول الأعظم ( صلى الله عليه وآله وسلّم ) عتاب الرضيع ( ع ) وعد ترضى يعزّ حالك على قلبي يا روح الــــــــروح * ترى مـاحد صبر صبرك * وعد ترضى وتقرّ عينك وعد يا قرّة عيوني أنا اللي قلبي من حالك غــــدا مجــــروح * وش ذنــب اللي بعـمرك * فـــيــه أعــداء هـــالأمة يا عبدالله يفجعوني رحـــلـــت وشلـــت للأمــّة عــذاب جروح * وكل قــطرة دما بنحرك * شكت حالك يا عبد الله وأشوف إنهم تحدّوني بحضن احسين ياوليدي تجـــي مذبـــوح * ولاواحـد رحــــم صغــرك * وصاتي ضاعت وفيكم بهاي الحال يخلفــوني وليدي طيّب الخاطر حلفت بدمّك المسفـوح * بتـفـرح وإنت في قبرك * وقــدّام الله بالمحــشــر يا عبدالله يعــرفوني خطاب الرضيع لأمير المؤمنين علي بن أبي طالب (عليه السلام ) يا حيدر وينك ياحيدر وينــك بساعـــة رحيـــل احسين * بأمــر الله رحـــــل نجــــلك * ورضا بأمرالله وسافر مع الأطفال والنسوان مع ذيـك الشــباب ونخــــوة الطيــبـين * وبــــن زيـــاد افترس شبلك * وشعل نار الحرب بيده وجمّع حوله الفرسان ولافاد النصح فيهم ولافادت دموع العين * وذلّـوا ناســــك وأهـــــلك * وخلّوهم على الرمضاء مطاريح وبلا أكفـــان يا جدّي حيدر الكرّار أبي ترجع معاي ألحين * ولا فـارس بعـد مثلك * على ظهر الفرس لاطبّ يزلزل تحته الميدان تشوف الأكبر وجسّام وتشوف مقطّع الكفّيـن * وكـل من يستحلّ قـتلك *بصرخة حيدر الكرّار تفزّ من نومها الشبّان ويجيب أمير المؤمنين علي بن أبي طالب (عليه السلام ) على الرضيع ( ع ) قرّة عيوني وكـم جرح مـن جــروحـــي تناسيـــته * وجـــيــت الطــّف للعــــدوان * أنــاظـر ذبحـــة المظلوم وعيني بالدما تدمع وكـم سيـف عـشان احسيــن ترجّـيته * دخيلك مهجــــتي عــــطشان *وأشوف السيف بأوداجه يا عبدالله غدا يقطع ليوم امصيبتي بحسين عمري يطول تمنّيته *أشوفه مرضّض وعريان *وأموت وينقلب حالي عليه وأبكي المصرع يا ليت إن الزمن يرجع يا عبدالله ويا ليتـه * لأخلّي الـذّل والحــرمان * لآل أميّة يا وليدي لهم من ساعته يـــرجــع كأني يوم جبت احسين لهذا الكون وربّيته * وتجي بعـدي بني سفيان * تحارب قرّة عيوني وروحــــه بيــدهم تطلع خطاب الرضيع ( ع ) للإمام الحسن (عليه السلام ) الوداع أقسى ياعمّي والوداع أقسى من فراقك يهالمسموم * اجيت أسأل عـلى حالـك * مناي تلاقي عيوني عيونك وأشكي لقــلبك دريت بحالنا بالطّف وشفت اش صار للمظلــــــــوم* وشفت اش حالة عــــــيالك * تـــــرىانذلّت بني هاشم يسبط المصطفى عقبك قضاها احسين بالرمضاء وراح مرضّض ومحروم* يا بـــويــة ولا أحـــد شالك * وروحي اللي قـضت لجلك تراها راحـــت بحبّـك مضى بأمر الله وراضي وقدّامه القدر مرســــوم * ولا يخطــــر على بــــــــالك * يا عمّي سواة عدوانه قسم بالله وحقّ ربـــــــّك إجاهم ناصح وهــــــادي وزاد هموم فوق همـوم* وصفا من بينهم هـــــــــالك * وفارق وانتهى عمره وسكن بالجنة بـــقــــربـك ويجيب الإمام الحسن (عليه السلام ) على ابن أخيه الرضيع ( ع ) آه لو أقدر يا عبد الله فديت احسين بــــروحي وبعـــــيالـــي * وأحــــس بحــقـــّه مقـــصّر * سنين العمر لو ترجع وعد لأهـــدي له اسنيني حبيبي الظامي العطشان ترى والله علي غــــــالي * ولا ني عـــــنــــه أتعــــــذّر * بس اش بيدي لو أقدر أجيه الطّف على عيــني مصيبة تحني المرفوع ولا تخطر عــــلى بـــــالي * ويا ليـــــت وآه لو أقــــــدر * أعـــود لدنــيـتي لجلــه وعشانه الموت يكفيني هذا ابــــن النــــبي أحمـــد مقــامه بالبشر عــالي * سليــــل الزهــــره وحيـــدر * أخوية اللي الزمن عاداه ومــــن عاداه يعاديني أنا لجــــله يـــا عـــبدالله نسيت مــن الأسى حالي * وصبغـــت بدمـــّه المنحــــر * وبعد موتك يخوية احسين دخيلك من يخاويني خطاب الرضيع ( ع ) لأمّه الزهراء سيدة نساء العالمين ( عليها السلام ) يا يمّة أم الحسن يا يــمّة أحلــف بــراسك وحلفت بضلعك المكسور * دريتـــي بحالـــــة الظــامي * وشفتي آل أمية شلون سلبوا رحله مع خــيامه يا يمّة فاطمة الزهرة وراسه اعلى الرماح يـــدور * وزادت فــــيــــــــني آلامي * يا يمّة أم الحسن داوي جراح احسين وآلامـــه ولو تسقينه دموعك يا ريح المــــــــسك والكافور * ويحيا وتصدق أحــــــلامي * ويعيش بقربك ويهنا وهذي أجــــــــمل أحلامه وعـــباس البطــــل يـــمّه قلبه من العطش مفطور * ولا انـــــا طـــالـــــت أيامي * وتقطّع بوالفضل بالطّف وراح وراحت أيّامــــه يمّه اللي حصل بالطّف كشف عن جرحك المستـور * وكشف عن موت قــــدّامي * ومنهو قلبه قلب احسين صبر والمـوت قدّامـه وتجيب الزهراء سيدة نساء العالمين ( عليها السلام ) على شكوى الرضيع ( ع ) تعال بحضني تعـــال بحــضنـي يا ولــيدي قـــبل ما لــدمع يتبعثر * دا أروي ظماك بدمـــوعي * ويضمّك شوقي لصدري يا ريحة حيدر الكـرار وأداوي جرحـــك النـــازف وأقبــــّل موضع المنحر * وأشيلك داخـــــل ضلوعي * عساني بضمّتك أنسى حبيبي ضربة المسمــار وأحط خدّك على خـــدّي وأصيـــح الآه يا حيــــــدر * يزيـــد بفــقـــدكـــم روعي * ظلام الليل هيّجني دخيل الله يا حامي الجـــــار أصيح لحــــال عـــبدالله وعلى ذبحـــــة علي الأكبر * وعلى شبل الحسن لــوعي * ولحال احسين والعبّاس شكيت الحال للجبّـــار ودموع اسكينة والأيتام وسبـــي الحــــرّة والخـــدّر * وأنوح بساعة ارجــــوعي * لأرض الطف مع حيدر ودمعـة جدّك المختـار خطاب الرضيع ( ع ) لأمّه أم البنين ( عليها السلام ) يا يـمّة الحزن طوّل يا يمّه الحـــزن طـــوّل سمعــتي اش قــال ابن حذلم * نــعى المظــلوم والعــبّاس * ولصبرك أجر عند الله ويعين الله على أحزانك سهـــم في نحــري يا يمّــه صغيـــر وبالعــــمر أحلم * وحلّت لعـــنــة الانجـــاس * وصار الحزن يا يمّه بــعـــد هالحــــال سجّانك حــــتــى السّــهـــم يـــا يــمــّه أحسّـــه بنحري يتألّم * قطعت بدخلته الأنـــفـــاس * وأفرفر عند أبوية احسين وتتلقاني أحــضانك وكـــل اللي حــضــر بالطّــف بصبـــــر احسين يتعلّم * حبيب الزهرة تاج الــراس * بكيت لحالته يـــمـّه وموتــــــه يهيّج أشجانك تـــرى معـــذورة يايـمــّة حزينــــة بليـــــلك الأظـــلم * زماني اللي عديم إحساس * وجيت لخاطرك يمّة وتركت الطّف على شانـك وتجيب أم البنين ( عليها السلام ) على شكوى الرضيع ( ع ) يا بسمة روحي كـــفى ما قـــلت يا وليــــدي فجعــــني والله العــــالم * يا بسمة روحي امصابـــك * وياليت العين ما شافت مصابك يا نظــر عيني أموت من القهر كل يوم وأنا أتحسّب على الظالــــــم * مصاب أحبابي وأحبابــــك * قتلـــنــي وانــتهك قــلبي وراح اللي يواسيني فجعـــنـــي دهــــري بعــــيالي ولا واحد رجع سالــم * وزاد اصوابي اصوابــــك * وذبح احسين ذابحني وبعد ذبحـــــة رياحيني أضمّــــك ياللي بنحـــــرك صبــــــح سهم الأسى نايم * وتشمّ أنفاسي اتــــرابـــك * وألطّخ راسي بدمّك وأصيح الموت يا سنيـني دواهـــي دنيـــتي حـــلّت وقـــلبــــي من الفرح صايم * يا فرحي طــــوّل غيـــابك * ولا أظنّ الفرح يرجع إلى مالموت ينـــــاديني خطاب الرضيع للرسول الأعظم ولأمير المؤمنين وللإمام الحسن ولأمه الزهراء ولأمه أم البنين عليهم صلوات الله أجمعين : كم لكـــم يا سـادة الجنــة إجــيت أشكــــي شمــــل ضايـــع لكم يا سادة الجنــة * وقـــلوب تعـيش محروقة * وشلت دموعي بشمالي ودم المنحربـيمنـــاي بكـــيت بحضنــكــم حـــزني ورضعت الظيـــم والونّة * طفلكــــم جفــــّت اعروقه * تحنّت كربلاء بدمنا ومن أتذكّـــــر يزيد ابكاي طفـــل فـــاقـــد فــقـد عمره ومن يرحم صغر سنّه * انحرم من أبسط حقوقه * عطشت وجفّ صدر أمي وأموت وماشربت الماي عــطاشى نـقـضي يــا سادة وبدمـــــنا الطــف يتحنّى * والظالـــم الله من فوقه * ويغرس ربي سبحانه سهم نحري بصدر اعداي يا طــفّ المـــوت ما واحـد بذبـــح احسيــــن يتهــنّى * يـــا سارق رحلـه ونوقـه * لكل اللي فرح فينا ومن يتشمّت اب بــــــلواي ردود للرسول الأعظم ولأمير المؤمنين وللإمام الحسن ولأمه الزهراء ولأمه أم البنين عليهم صلوات الله أجمعين على وداع الرضيع ( ع ) بـأرض الجـنّـة نتـلاقـى أنــا طــه يا عبـد الله أهــزّ يــوم الحشـــر مهـــــــدك * وتشوف احسين وأنصاره * بــأرض الجنـــّة نتـــلاقى أنــــا ويّاك ندخلها وأنا حيــــدر يا عـــبد الله أخــفـف مــــن أسى وجدك * ويروح الحزن وأقــــداره * وتعيش بجنّة الباري وتنال اعلى منــــــازلها وأنـــا عمّـــك يا عـــبدالله وأحـــقــق بالوفـــــا وعدك * وتشوف العرش وأنـواره * وتشرب من عسل صافي وثمار الجنة تاكلها وأنـــا الزهـــرة يا عـــبد الله حفظـــت بمهجتي عهدك * ولك مـــن أمــّك بشـــارة * ومهـــدك عـــندي بالجنّة وتنهل من مناهلها ومن أم البنيـــن إسمـــع يا عــبد الله خبــــر سعــــدك * يا من فــي مهجتـي داره * بالجنّــــة بـــاقــــي سنينك وبأحضاني تكمّلها
رائعة خادم أهل البيت – عيسى عيسى الماجد – أبو راحيل - الأربعاء 24 / 04 / 1429 هـ - تمّت بحمد الله وتوفيقه |
|
|||||||
|
||||||||
|
| ||||||||
